ચાલો તમારા પ્રેમની

ચાંદ સમા ચહેરા તણી,
તસવીર બનાવી દઉં..
ને રે રીતે તમને નયનના
ખ્વાબ બનાવી દઉં…

ચાલો તમારા પ્રેમની એક લહેર બનાવી દઉં,
એ રીતે તમેન અમારા શ્વાસ બનાવી દઉં.

શબ્દો તણાં પુષ્પો ગુંથી ગજરો બનાવી દઉં,
એ રીતે તમને ગઝલના પ્રાસ બનાવી દઉં

સાકી, સૂરા અને શાયરી, મહોબ્બત બનાવી દઉં
એ રીતે યાદો બધી રંગીન બનાવી દઉં.

હથેલી તણી લકીરને, કિસ્મત બનાવી દઉં
એ રીતે જીવવા તણું, બહાનું બનાવી દઉં.

અટકી ગઈ જ્યાં જિંદગી, મંઝિલ બનાવી દઉં
એ રીતે ખાલી કબર, બિસ્તર બનાવી દઉં

કલ્પવૃક્ષની છાંવમાં મંદિર બનાવી દઉં
એ રીતે (ઓ) પથ્થર તને ઈશ્વર બનાવી દઉં

કવિ : કમલેશ સોનાવાલા

સ્વર : રૂપકુમાર રાઠોડ