દિવાળીમાં મહાબળેશ્વર
પતંગિયાનાં ખૂનનો હું સાક્ષી !
એની સુંદર રંગીન પાંખો એને
પુષ્પને બદલે મૃત્યુ તરફ લઈ ગઈ?!
પતંગિયાની મૂંગી ચીસ કોઈએ પણ ન સાંભળી !
પતંગિયું તરફડી રહ્યું !
ઈસુની માફક પીન ઠોકી એને વીંધીને મારી નાખ્યું !!!
શાળાનો Project,
Nature study માટેનો !
પછી વ્યાઘ્રચર્મની માફક દિવાલ ઉપર લટકાવી દીધું…..!
દિવાળીમાં મહાબળેશ્વર
પતંગિયાનાં ખૂનનો હું સાક્ષી !
આવતી દિવાળીમાં
હું મુંબઈમાં જ રહીશ !
કારણ કે,
અહીં પતંગિયા જ હોતા નથી…!
અહીં પતંગિયા જ હોતા નથી…..!!!
કમલેશ સોનાવાલા